Grabitja me armë e Exchange/ Reagon policia: Autori mori 30 mijë euro dhe iku me biçikletë!

Policia e Tiranës ka reaguar pas grabitjes së ndodhur në një Exchange në zonën e Unazës së Re në Tiranë.

Policia shkruan se një person ende i paidentifikuar, i cili mbante një send të dyshuar si armë zjarri, është futur në një pikë për transferta parash dhe këmbimi valutor, ka marrë një shumë parash dhe më pas është larguar me një biçikletë.

Blutë e kryeqytetit theksojnë se hetimor ndodhet në vendngjarje dhe po punon për identifikimin dhe kapjen e autorit.

Njoftimi i policisë:

Më datë 24.06.2023, rreth orës 08:25, në rrugën “Tom Plezha” në Unazë të Re, një person ende i paidentifikuar, i cili mbante një send të dyshuar si armë zjarri, është futur në një pikë për transferta parash dhe këmbimi valutor, ka marrë një shumë parash dhe është larguar me një biçikletë. Grupi hetimor ndodhet në vendngjarje dhe po punon për identifikimin dhe kapjen e autorit. Shërbimet e Policisë kanë ngritur pika kontrolli dhe po krehin zonën, për të bërë të mundur kapjen e autorit.