Mëngjesin e sotëm policia e Elbasanit a ka zbuluar një automjet tip Foristradë e cila ka qenë e parkuar në zonën e quajtur ish-Konservimi, pranë stadiumit ‘Elbasan Arena’, në bordin e të cilës janë sekuestruar dy armë të llojit kallashnikov, dhjetra fisheke, si dhe një shishe me lëndë ndjekëse gati për atentat.
Në zonën ku është gjetur automjeti është banesa e Erion Alibej i arrestuar tashmë. Por ende nuk ka një njoftim nga policia nëse atentati kishte të bënte me Alibajn.
Por kush është Erion Alibej?
Erion Alibej është vëllai i Endrit Alibej (Dylgjeri), i cili ishte objektivi i një atentati me armë që përfundoi në masakër ditët e fundit të dhjetorit 2018.
Në rrethrrotullimin e Bradasheshit në Elbasan, atë natë, mbeti i vrarë edhe xhaxhai i tij, Arben Dylgjeri dhe shtetasi turk Erdal Durnay. Mbi automjetin luksoz “Range Rover-it”, u derdh një breshëri plumbash kallashnikovi.
Ngjarja dyshohej se ishte për larje hesapesh për shkak të prishjes së e pazareve të drogës në Angli apo Holandë.