Kush lëndon më shumë dhuna e Rrajave apo heshtja e Edi Ramës?

Deputeti demokrat, Kreshnik Çollaku, ka reaguar përmes një postimi në rrjetet sociale për heshtjen e Kryeministrit Edi Rama, lidhur me ngjarjen e ndodhur dy ditë më parë në Borizanë, ku dy qytetarë u dhunuan barbarisht nga fisi Rraja.

Çollaku shkruan se heshtja e kryeministrit Edi Rama është akoma më e rëndë, se pamjet e dhunës.

“Kush lëndon më shumë heshtja e Kryeministrit apo dhuna e fisit të deputetit mbi qytetarin!?

Heshtja e Kryeministrit për rastin është më e rëndë se dhuna e shkopinjve mbi qytetarin e shtrirë në tokë.

Në fakt heshtja është dhuna e vërtetë ndaj gjithë qytetarëve normal të ketij vendi”, shkruan Çollaku.