Ish-deputeti Myslim Murrizi ka nxjerrë listën e çmimeve të ushqimeve gjatë regjimit komunist. Me ironi, ish-deputeti demokrat ka publikuar një listë me çmime për të cilat thotë se ishte e varur në çdo ‘supermarket’ komunist.
“Çmimet në 'supermarket' gjatë regjimit komunist. Kjo tabelë ishte e varur në çdo 'Big Market', 'Conad', 'Shpar' e në çdo 'qendër tregtare' që ekzistonte në atë kohë ku edhe qentë pushkatoheshin çdo 3 muaj.Një tabelë kartoni në çdo dyqan pas kurrizit të shitësit që rrinte 'krekosur' me një bluzë ngjyrë blu në të zezë nga zhuli dhe e bërë me plot njolla vaji, reçeli, marmallate, etj.
Ehhhhh çfarë 'mrekullie' kanë jetuar shqiptarët për 45 vjet rresht!!!”, shkruan ai
