Dy persona janë plagosur në Maliq. Mesnatën e djeshme në rrugën “Zvezdë-Pojan” G. A. rreth 27 vjeç, banues në fshatin Pojan, duke drejtuar automjetin tip “Volkswagen”, dyshohet se ka humbur kontrollin dhe për pasojë, automjeti ka dalë nga rruga.
Nga ky aksident janë dëmtuar shoferi G. A. dhe vëllai i tij, K. A. 30 vjeç, pasagjer në këtë automjet, të cilët ndodhen në spitalin e Korçës, në kujdesin e mjekëve.
Grupi hetimor po kryen veprimet procedurale dhe vijon puna për përcaktimin e shkakut të këtij aksidenti.